Indian Bank Recruitment : इंडियन बँकेत स्थानिक बँक अधिकारी पदासाठी भर्ती सुरू

Indian Bank Local Officer Recruitment 2024

भारतातील राष्ट्रीयकृत बँकांपैकी एक, इंडियन बँकेत, ३०० पदांसाठी भरती प्रक्रिया सुरू आहे. या भरतीसाठी लोकल बँक ऑफिसरच्या पदासाठी अर्ज मागवले जात आहेत. उमेदवारांनी ऑनलाईन अर्ज २ सप्टेंबरपर्यंत दाखल करावेत. योग्य उमेदवार या मुदतीपर्यंत अर्ज सादर करू शकतात.

किती जागांसाठी भर्ती|Vacancy|

इंडियन बँक, एक सार्वजनिक क्षेत्रातील प्रमुख बँक, चेन्नईतील मुख्यालयाद्वारे स्थानिक बँक अधिकारी पदासाठी अर्ज मागवत आहे. या पदासाठी तामिळनाडू, कर्नाटक, आंध्र प्रदेश, तेलंगाणा, महाराष्ट्र आणि गुजरात या राज्यांमध्ये भरती केली जाईल. संबंधित राज्यांच्या स्थानिक भाषेवर परीक्षेत विशेष लक्ष दिले जाईल.

तामिळनाडूमध्ये १६०, कर्नाटकमध्ये ३५, आंध्र प्रदेश आणि तेलंगाणामध्ये ५०, महाराष्ट्रात ४० आणि गुजरातमध्ये १५ अशा एकूण ३०० जागा भरल्या जातील. या भरतीत विविध आरक्षणांचे वर्गीकरण असेल: अनुसूचित जातीसाठी ४४, अनुसूचित जमातीसाठी २१, ओबीसीसाठी ७९, आर्थिक दृष्ट्या दुर्बल वर्गासाठी २९, खुल्या वर्गासाठी १२७ आणि इतर वर्गासाठी १२ जागा राखीव असतील.

वयोमर्यादा|Age Limit|

स्थानिक बँक अधिकारी पदासाठी अर्ज करणाऱ्या उमेदवारांचे वय २० ते ३० वर्षे दरम्यान असावे लागेल.

शैक्षणिक पात्रता|Education Qualification|

स्थानिक बँक अधिकारी पदासाठी अर्ज करणाऱ्यांनी १ जुलै २०२४ रोजी मान्यताप्राप्त विद्यापीठातून पदवी किंवा केंद्र सरकारने मान्यता दिलेल्या संस्थेपासून समकक्ष पात्रता असावी. अर्ज सादर करण्याची अंतिम मुदत २ सप्टेंबर आहे.

स्थानिक बँक अधिकारी पदासाठी अर्ज ऑनलाइन पद्धतीने सादर करावे लागतील, तसेच शुल्कही ऑनलाइन भरावे लागेल. अनुसूचित जाती, अनुसूचित जमाती आणि दिव्यांग उमेदवारांसाठी शुल्क १७५ रुपये आहे, तर इतर सर्व उमेदवारांसाठी परीक्षा फी १,००० रुपये आहे. परीक्षेचे स्वरूप ऑनलाईन परीक्षा आणि मुलाखतीसह असेल. ऑनलाईन परीक्षेसाठी तीन तासांचा वेळ दिला जाईल. परीक्षेत यशस्वी उमेदवारांना इंडियन बँकेत रुजू झाल्यावर ४८,००० ते ८५,००० रुपयांपर्यंत पगार मिळेल.

अधिक माहितीसाठी उमेदवारांनी इंडियन बँकेच्या करिअर पेजला भेट द्यावी आणि मूळ जाहिरात वाचून अर्ज सादर करावा.