कुक्कुट पालनसाठी शासन देत आहे, तब्बल २५ लाख रूपये सबसीडी| Poultry Farming 50% Subsidy For Loans Upto 50 Lakh|

Poultry Farming Subsidy Scheme

ग्रामीण भागात पोल्ट्री फार्म उभारण्यासाठी केंद्र सरकारकडून दिल्या जाणाऱ्या ५०% अनुदानासह ५० लाख रुपयांपर्यंतचे कर्ज उपलब्ध करून देणारी योजना कुक्कुटपालन व्यवसायासाठी एक महत्त्वपूर्ण संधी आहे. या लेखात आपण या कुक्कुटपालन अनुदान योजनेच्या महत्त्वपूर्ण मुद्द्यांवर चर्चा करू.

कुक्कुट पालन योजना आणि तीचे महत्व

केंद्र सरकारच्या पशुपालन आणि दुग्धविकास खात्याच्या अंतर्गत राष्ट्रीय पाळीव पशू कार्यक्रमाची अंमलबजावणी केली जाते. या योजनेचा मुख्य उद्देश ग्रामीण भागात पोल्ट्री फार्म उभारणीसाठी प्रोत्साहन देणे हा आहे. २०२२-२३ या आर्थिक वर्षात भारतात १२९ अब्ज अंड्यांचे उत्पादन झाले असले, तरी सरकारला हे उत्पादन आणखी वाढवायचे आहे. या उद्देशाने, ग्रामीण भागातील नागरिकांना आर्थिक सहकार्य मिळावे आणि पोल्ट्री फार्म व्यवसायाला चालना मिळावी यासाठी ही योजना महत्त्वपूर्ण ठरते.

योजनेसाठी पात्रता व अटी|Poultry Farming Yojana Eligibility Criteria|

या योजनेअंतर्गत कोणत्याही राष्ट्रीयकृत बँकेतून कर्ज मिळवणे शक्य आहे. व्यक्ती, शेतकरी गट, उद्योजक, शेतकरी सहकारी संस्था, शेतकरी उत्पादक संघटना, तसेच कंपनी कायद्याच्या कलम ८ अंतर्गत स्थापन झालेल्या संस्था या योजनेचा लाभ घेऊ शकतात. अर्ज प्रक्रियेच्या सोयीसाठी सरकारने विशेष National Livestock Mission Portal उभारला आहे, जिथे ऑनलाईन अर्ज सादर करावा लागतो.

कुक्कुटपालन योजनेसाठी अर्ज कसा करायचा|Poultry Farming Yojana Online Apply|

योजनेचा लाभ घेण्यासाठी अर्जदाराकडे किमान एक एकर शेतजमीन असणे आवश्यक आहे. जर स्वतःची जमीन उपलब्ध नसेल, तर लीजवर घेतलेल्या जमिनीवर देखील कर्ज मिळू शकते, परंतु अशा परिस्थितीत कर्ज अर्जदार आणि जमीनमालक यांच्या संयुक्त नावाने दिले जाते. अर्ज करण्यापूर्वी सविस्तर प्रकल्प अहवाल सादर करावा लागतो, ज्यामध्ये पोल्ट्री फार्मच्या योजनेचा तपशील समाविष्ट असावा आणि हा अहवाल ऑनलाईन पोर्टलवर अपलोड करावा लागतो.

आवश्यक कागदपत्रे|Requaired Documents For Poultry Farming Yojana Online Application|

• सविस्तर प्रकल्प अहवाल (Detailed Project Report)
• आधार कार्ड (Aadhar Card)
• पोल्ट्री फार्मच्या जागेचे छायाचित्रे (Photos of Poultry Farm Location)
• जमिनीचे दस्तऐवज (Land Documents)
• पॅन कार्ड (PAN Card)
• मतदान ओळखपत्र (Voter ID)
• रद्द केलेले चेक (Cancelled Cheques)
• रहिवासी प्रमाणपत्र (Residence Proof)
• जात प्रमाणपत्र (आवश्यक असल्यास)
• कौशल्य प्रमाणपत्रे (Skill Certificates)
• स्कॅन केलेली सही (Scanned Signature)

तसेच, अर्जाची स्थिती National Livestock Mission Portal वर तपासता येऊ शकते.

अर्ज करताना घ्यावयाची काळजी|Importamt Tips For Application|

अर्ज करताना तुमचा CIBIL Score योग्य असणे आवश्यक आहे. तसेच, प्रकल्प अहवालात किती कोंबड्या पाळायच्या आहेत, त्यांचे पालन-पोषण कसे करायचे, त्यासाठी येणारा खर्च इत्यादी सर्व माहिती स्पष्टपणे नमूद करणे गरजेचे आहे. चुकीची किंवा संदिग्ध माहिती दिल्यास अर्ज नाकारला जाऊ शकतो.

कर्जासाठी संपर्क|Whom To Contact|

राज्य सरकार नोडल एजन्सी म्हणून काम करत असून, अर्जदाराचा अर्ज बँकेपर्यंत पोहोचवण्यात ते महत्त्वाची भूमिका बजावते. अर्जासंबंधी अधिक माहितीसाठी स्थानिक पशुपालन अधिकारी किंवा संबंधित अधिकाऱ्यांशी संपर्क साधावा.

पोल्ट्री फार्मिंग अनुदान योजनेमुळे ग्रामीण भागातील शेतकरी आणि उद्योजकांना पोल्ट्री फार्मद्वारे स्वावलंबन साधण्याची उत्तम संधी मिळाली आहे.