इ - पिक पाहणी कशी करावी? E - Pik Pahani 2024|
 |
| E - Pik Pahani 2024 |
ई - पीक पाहणी म्हणजे काय, त्याचे उद्दिष्टे, आणि त्यामध्ये उपलब्ध विविध सुविधा, याबद्दल आपण सविस्तर माहिती या लेखात जाणून घेणार आहोत. यासोबतच, ई पीक पाहणी कशी करायची आणि ॲप कसे डाउनलोड करायचे याचीही माहिती या लेखात दिली आहे.
शेतकऱ्यांच्या पिकांची नोंदणी सर्वेक्षण मोबाईल ॲपद्वारे केली जाते. शेतकऱ्यांना दिल्या जाणाऱ्या कोणत्याही योजनेचा थेट लाभ ई - पीक पाहणी प्रकल्पातील माहितीच्या आधारे दिला जातो. इ - पीक पाहणीमुळे खातेदारांना पीक कर्ज मिळणे, पीक विमा भरणे, तसेच पीक नुकसान भरपाई मिळणे शक्य होते.
इ - पिक पाहणीचे मुख्य उद्दिष्टे.
- पीक पेरणी अहवालाची माहिती एकत्रित करणे.
- माहिती तंत्रज्ञानाचा वापर करून, पीक पाहणी जलद आणि पारदर्शक पद्धतीने करणे.
- तसेच पीक विम्याचे निकाल तयार करणे.
इ - पिक पाहणीचे फायदे
- गाव, जिल्हा, तालुका आणि विभागांमधील पिकांखालील क्षेत्राची आकडेवारी सहज उपलब्ध करून दिली जाऊ शकते.
- शेतकऱ्यांना मिळणाऱ्या कोणत्याही योजनेचा थेट लाभ ई - पीक पाहणी प्रकल्पातील माहितीच्या आधारे दिला जातो.
- यामुळे खातेदारांना तुषार सिंचन योजना आणि इतर लाभ देणे शक्य होईल. या ॲपद्वारे कृषी गणना अत्यंत सुलभ आणि सोप्या पद्धतीने करता येऊ शकते.
- पीक पाहणीमुळे खातेदारांना पीक कर्ज मिळणे, पीक विमा भरणे आणि पीक नुकसान भरपाई मिळणे शक्य होते.
- खात्यानुसार आणि पीक क्षेत्रानुसार उपलब्ध होणारी यादी शेतकऱ्यांकडून देण्यात येणाऱ्या रोजगार हमी, उपकर आणि शिक्षण कर निश्चित करण्यास मदत करते.
इ - पिक पाहणी ॲपमधे असणाऱ्या सुविधा.
- स्वयं प्रमाणित शेतकऱ्यांना ई - पीक पाहणीसाठी मान्यता मिळणार आहे.
- तलाठीद्वारे किमान १०% तपासणी केली जाईल.
- ४८ तासांच्या आत ई - पीक पाहणी दुरुस्तीची सुविधा उपलब्ध असेल.
- इतर तीन मुख्य पिके आणि मिश्र पिकांची नोंदणी करण्याची सुविधा दिली जाईल.
- संपूर्ण गावाच्या पीक पाहणीची माहिती पाहण्याची सोय असेल.
- ॲपबद्दल स्वतःचे मत नोंदवण्याची सुविधा.
- तसेच खाते अपडेट करण्याची सुविधा उपलब्ध असेल.
इ - पिक पाहणी कशी करायची २०२४? How To Do E - Pik Pahani 2024|
- तुम्हाला आपल्या मोबाईलमध्ये ई - पीक पाहणी वर्जन २ हे ॲप प्ले - स्टोअरमधून डाऊनलोड करावे लागेल.
- प्रथम आपला जिल्हा निवडा, नंतर तालुका, आणि शेवटी आपले गाव निवडा.
- खातेदार किंवा गट क्रमांक टाका.
- आपला परिचय निवडा, आणि पुन्हा होम पेजवर जा.
- पिकांची माहिती भरताना खाते क्रमांक निवडा, गट क्रमांक निवडा, हंगाम निवडा, आणि पिकांचा वर्ग निवडा.
- जमिनीचे एकूण क्षेत्र भरावे.
- जर एकच पीक असेल तर 'निर्मळ पीक' निवडा, किंवा एकापेक्षा जास्त पीक असेल तर 'बहुतेक' निवडा.
- पिकांची नावे आणि क्षेत्र भरा.
- जलसिंचनाचे साधन आणि सिंचन पद्धत निवडा.
- लागवडीची तारीख निवडा.
- मुख्य पिकाचे चित्र अपलोड करताना मोबाईलचा जीपीएस चालू असणे आवश्यक आहे.
- आता पीक पाहणी अर्ज सबमिट करा.
सर्व जिल्ह्यांतील शेतकऱ्यांना आता तलाठी कार्यालयात न जाता, ई - पीक पाहणी मोबाईल ॲपच्या मदतीने आपल्या सातबाऱ्यावर विविध पिकांची नोंदणी करण्याची सुविधा उपलब्ध झाली आहे. या ॲपद्वारे शेतकरी मिश्र पिकांमध्ये मुख्य पिकासह तीन घटक नोंदवू शकतात. तसेच, संपूर्ण गावाची पीक पाहणी करण्याची सुविधासुद्धा या ॲपद्वारे मिळू शकते.
शेतकऱ्यांनी त्यांच्या मोबाईल ॲपचे नवीनतम वर्जन अपडेट करणे आवश्यक आहे. केंद्र शासनाच्या सूचनांनुसार, राज्यात वापरात असलेल्या ई - पीक पाहणी मोबाईल ॲपमध्ये सर्व आवश्यक घटकांचा समावेश केला आहे. महाराष्ट्रातील अनेक शेतकऱ्यांनी या ॲपचा वापर करून त्यांच्या पिकांची नोंदणी केली आहे. शेतकऱ्यांनी हे ॲप डाउनलोड करून, त्यावर आपल्या पिकांची नोंदणी करणे आवश्यक आहे.
शेतकऱ्यांना अर्ज करण्यासाठी सर्वप्रथम आपला जिल्हा निवडावा लागतो, त्यानंतर तालुका आणि गाव निवडून खातेदार किंवा गट क्रमांक टाकावा लागतो. आपला परिचय भरल्यानंतर, होम पेजवर जाऊन पिकांबद्दल संपूर्ण माहिती भरावी लागते. यानंतर हंगाम निवडून पिकांचा वर्ग आणि क्षेत्रभरण करणे आवश्यक आहे. पिकांची नावे आणि सिंचन पद्धत देखील निवडावी लागते. मुख्य पिकाचे चित्र अपलोड करताना, मोबाईलचा जीपीएस चालू असणे आवश्यक आहे. माहिती सबमिट करण्यापूर्वी सर्व तपशील पुन्हा तपासून पाहावेत.
कोणत्याही टिप्पण्या नाहीत