सोलर रुफटॉप योजनेत अर्ज करून सबसीडीसह मोफत विज वापरा| Solar Rooftop Yojana 2024|

Solar Rooftop Scheme 2024

Solar Rooftop Scheme 2024

केंद्र सरकारने 13 फेब्रुवारी 2024 रोजी प्रधानमंत्री सूर्योदय योजना लॉन्च केली. या योजनेत देशभरातील एक कोटी घरांवर सौर पॅनल बसवण्याचे लक्ष्य आहे.

या योजनेनुसार, लाभार्थ्यांना एक किलोवॅट सोलर पॅनलसाठी 30,000 रुपये, दोन किलोवॅट पॅनलसाठी 60,000 रुपये आणि तीन किलोवॅट पॅनलसाठी 78,000 रुपये सबसिडी प्रदान केली जाईल.

तसेच, सोलर पॅनल बसवल्यानंतर तुम्ही दरमहा 300 युनिटपर्यंत वीज वापरल्यास, त्या वीजेची पूर्ण किंमत शासना कडून मोफत दिली जाईल.

भारतातील कोणताही ग्राहक एक ते तीन किलोवॅटपर्यंतच्या सोलर पॅनलसाठी अर्ज करून सबसिडीचा लाभ घेऊ शकतो.

ही सोलर पॅनल प्रति किलोवॅट महिन्याला 100 युनिटपर्यंत वीज उत्पादन करतात. त्यामुळे, यांचा बसवलेला खर्च पाच ते सहा वर्षांत पूर्णपणे परत मिळतो. त्यानंतर, पुढील वीस वर्षे हे सोलर पॅनल तुम्हाला मोफत वीज प्रदान करतील.

सोलर योजने अंतर्गत होणारे फायदे|Solar Rooftop Yojana Benefits|

पीएम सूर्यघर योजनेंतर्गत, ज्यांनी सौर पॅनल बसवले आहेत, त्यांना सरकार 300 युनिटपर्यंत मोफत वीज प्रदान करेल. 300 युनिटपेक्षा जास्त वापरलेल्या विजेचीच फक्त किंमत भरावी लागेल, त्यामुळे वीज बिल कमी होईल.

या योजनेमुळे भारतातील प्रत्येक घर ऊर्जा स्वतंत्र होईल, आणि देशाला याचे मोठे फायदे होतील. यामुळे भारत सरकारला शून्य कार्बन उत्सर्जनाचे लक्ष साध्य करण्यात मदत होईल.

सोबतच, या योजनेमुळे रोजगाराच्या संधी वाढतील आणि नवीन नोकऱ्या निर्माण होतील. सौर पॅनल बसवलेल्या घरांमध्ये 24 तास वीज पुरवठा सुरू राहील आणि वीजपुरवठा खंडित होणार नाही.

सोलर रुफटॉप योजनेसाठी नोंदणी कशी करावी?registration For Solar Rooftop Scheme|

• “वापरकर्ता नोंदणी” पर्याय निवडा.
• तुमची माहिती भरा: नाव, मोबाईल नंबर, ईमेल आयडी, राज्य, जिल्हा, वीज वितरण कंपनीचे नाव, आणि ग्राहक क्रमांक यांसारखी सर्व आवश्यक माहिती काळजीपूर्वक भरा.
• पासवर्ड तयार करा: एक मजबूत पासवर्ड तयार करा आणि तो पुन्हा एकदा टाइप करा.
• अटी व शर्ती स्वीकारा: अटी व शर्ती वाचा, त्यावर संकेत द्या आणि “नोंदणी करा” बटणावर क्लिक करा.
• नोंदणी पूर्ण झाली आहे: तुम्हाला तुमच्या मोबाईल नंबरवर नोंदणी यशस्वी झाल्याचा संदेश प्राप्त होईल, आणि ईमेलवर एक पुष्टीकरण लिंक मिळेल.

लॉगिन कसे करावे? Solar RoopTop Scheme Login Process|

• वेबसाइटला भेट द्या: अधिकृत वेबसाइटवर जा आणि होम पेजवर “Apply for Rooftop Solar” या पर्यायावर क्लिक करा.
• लॉगिन: “लॉगिन” पर्यायावर क्लिक करा आणि तुमचा नोंदणीकृत मोबाइल नंबर किंवा ईमेल आयडी आणि पासवर्ड प्रविष्ट करा.
• लॉगिन: “लॉगिन” बटणावर क्लिक करा.
• तुम्ही लॉगिन केल्यानंतर, तुमच्या डॅशबोर्डवर जाऊन अर्जाची स्थिती, लाभार्थ्यांची यादी, सबसिडी कॅल्क्युलेटर आणि इतर माहिती पाहू शकता.

अर्ज कसा करायचा? Online Application For Solar Rooftop Scheme|

पीएम सूर्य घर योजनेअंतर्गत अर्ज करण्यासाठी, अर्जदारांनी https://pmsuryaghar.gov.in/ या वेबसाइटला भेट देऊन ऑनलाइन अर्ज सादर करावा.

• पायरी 1 – वेबसाइटवर गेल्यानंतर, "नोंदणी करा" या पर्यायावर क्लिक करा.
• पायरी 2 – तुमचे राज्य आणि जिल्हा निवडा.
• पायरी 3 – तुमच्या वीज वितरण कंपनीचे नाव प्रविष्ट करा.
• पायरी 4 – कॅप्चा भरल्यानंतर पुढे जा.
• पायरी 5 – तुमचा मोबाइल नंबर आणि ईमेल वापरून लॉग इन करा. अर्ज पूर्ण करण्यासाठी आधार कार्ड आणि वीज बिल अपलोड करा.
• पायरी 6 – तुमच्या जिल्ह्यातील कोणत्याही सोलर पॅनेल विक्रेत्याची निवड करा.
• पायरी 7 – तुम्हाला किती क्षमतेचा सोलर पॅनल बसवायचा आहे याची माहिती द्या.
• पायरी 8 – सर्व आवश्यक माहिती भरल्यानंतर, "Apply" बटणावर क्लिक करा आणि तुमचा अर्ज सबमिट करा.